شراء تكييف جديد خطوة مهمة، بس كتير من الناس بيقعوا في أخطاء بتكلفهم فلوس وراحة ومجهود بعد كده، هنعرفك على أشهر 7 أخطاء بيقع فيها ناس كتير وإزاي تتجنبها بسهولة
اختيار قدرة التكييف بشكل عشوائي
مش أي تكييف ينفع لأي غرفة
اختيار قدرة التكييف (حصان التبريد) لازم يكون مناسب لمساحة الغرفة، التكييف لو أقل من المطلوب هيشتغل طول الوقت ومش هيوصل لدرجة التبريد المطلوبة، والعكس كمان
نصيحة: استشير خبير قبل ما تشتري✅
التركيز على السعر وتجاهل الجودة
الرخيص مش دايمًا مكسب
في ناس بتدور على أرخص تكييف بدون ما تبص على كفاءة الجهاز أو الضمان أو خدمة ما بعد البيع.
نصيحة: اختار ماركة موثوقة حتى لو أغلى شوية، هتعيش معاك أطول✅
إهمال مواصفات توفير الطاقة
ناس كتير ما بتهتمش لو التكييف إنفرتر أو لا، وده بيأثر على فاتورة الكهرباء بشكل كبير
التكييفات الإنفرتر موفرة جدًا على المدى الطويل.
نصيحة: دور على ملصق كفاءة الطاقة واقرأ تفاصيل الاستهلاك✅
تركيب الجهاز في مكان غير مناسب
مكان التكييف مهم جدًا
لو اتركب في مكان عليه شمس مباشرة أو في مواجهة الباب، هيأثر على كفاءته وهيشتغل زيادة عن اللزوم
نصيحة: خليه في مكان مظلل ومرتفع، وخلي الفنين يساعدوك في تحديد المكان الصح✅
نسيان الصيانة الدورية
حتى لو التكييف جديد، لازم يتنضف ويتراجع عليه بشكل دوري
كتير بيشتكوا من ضعف التبريد أو ريحة غريبة، والسبب بيكون عدم الصيان
نصيحة: اعمل صيانة مرتين في السنة على الأقل✅
تجاهل خدمة ما بعد البيع
خدمة ما بعد البيع مش مجرد ضمان… هي عامل أمان
في ناس تشتري تكييف من أماكن مجهولة، وتتفاجئ لما يحصل عطل وما تلاقيش صيانة محترفة أو قطع غيار
نصيحة: اشتري من موزع معتمد أو شركة ليها سمعة كويسة✅
تركيب التكييف بنفسك أو بفني غير محترف
الموضوع مش مجرد تعليق على الحيطة
التركيب الغلط ممكن يسبب تسريب فريون، ضعف تبريد، وحتى تلف الجهاز
نصيحة: خليك دايمًا مع فنيين معتمدين من الشركة المصنعة✅
في النهاية، اختيار التكييف المناسب أو الاهتمام بصيانته مش رفاهية، ده جزء أساسي من راحتك اليومية وجودة حياتك في البيت أو الشغل
سواء كنت بتشتري جهاز جديد أو بتدور على أفضل طريقة تحافظ بيها على جهازك الحالي، المعلومات الصحيحة والخدمة الموثوقة هما اللي بيفرقوا فعلًا
